ÉG hef ákveðið að flytja mig um set!!!

www.tinnaarna.bloggar.is

komið í heimsókn

Já við erum að tala um það að það er klikkað gott veður! ég fór fyrr heim úr vinnunni í dag til að fara að læra undir satans hljómfræðiprófið sem ég er að fara í í fyrramálið klukkan 9.. ég endurtek klukkan níu á laugardagsmorgni.. eníveis.. það var svo hlýtt úti að ég varð mjög svo fúl yfir að þurfa að hanga inni að læra.. en þá hugsaði ég með mér að ég er að fara í síðasta prófið mitt á morgun og verð laus svona á hádegi og get bara gert eitthvað skemmtilegt þá.. neinei haldiði að það sé ekki bara spáð rigningu.. mér finnst nú alveg lágmark að gefa okkur tvo daga í gott veður.. nottla bara illgirni að hafa bara gott veður í einn dag og svo ekki meir!!! úff en ömurlegt.. ég sem ætlaði að fara að þrífa bílinn strax eftir prófið og svona ýmislegt.. but no..

jæja best að hætta þessum biturleika.. en ég er að horfa með öðru auganu (meðan ég læri sko) á svo skemmtilega tónleika.. Andre Riou fiðluleikari er með þá og er bæði að stjórna hljómsveitinni og spila á fiðlu.. góð hljómsveit að geta fylgt því.. en allir í hljómsveitinni eru svo fallega klæddir.. kallarnir í tux og konurnar í yndislegum gamaldags kjólum.. þau eru mest að spila verk eftir Strauss og það er mikið um valsa og svona og fólkið í salnum er að dansa á fullu og voða krúttlegt allt saman.. ef ég kynni að dansa myndi ég líka gera það örugglega hehe.. en svo í lokin voru þau að spila lög frá ýmsum löndum, tóku skoskt lag og þá var sekkjapípusveit að spila með hehe..  og það var rosa stuð þegar þau tóku brasilískt lag... en gaman hehe..

úff best að halda áfram að læra.. tónleikarnir alveg að verða búnir og svona.. ohh ég er bara með samviskubit að vera að skrifa hérna.. maður verður nú alltaf að taka sér smá pásur e'haggi???

gleði á morgun jibbí!

Ég er í svooo góðu skapi... Mærþöll fékk alveg frábærar viðtökur! Við erum líka öll bara í skýjunum þetta var svo skemmtilegt.. maður vildi bara að það væru fleiri sýningar, en samt er alveg fínt að vera búin.. fór í fyrsta prófið mitt af þrem í dag og gekk ekkert neitt svakalega vel en held að þetta sleppi samt.. nenni samt ekki að spá í því núna.. er í svo góðu skapi en ég fer semsagt í tónlistarsögupróf á miðvikudaginn og þarf því að fara að lesa núna fljótlega.. og svo er síðasta prófið mitt á laugardaginn kl. 9 um morguninn og það er sko hljómfræði próf og ég er alveg skítléleg í því þannig að ég á eftir að vera að læra bara fram að því en svo er ég líka bara búin! jibbí!!!

en það er verið að reka á eftir mér í mat.. kjúlli mmmm...

Tinna - með sól í hjarta!

Já það er víst komið sumar.. ég hélt það líka alveg á sumardaginn fyrsta að það gæti verið komið sumar.. en svo á föstudaginn komu haglél og rigning og svona allskonar veður og nú sit ég og horfi útum gluggann og það er soldið skýjað.. svona skrítin birta og greinilega smá vindur en það virkar samt alveg eins og það getir verið hlýtt.. veit samt ekki meir.. er ekki komin lengra en inní stofu! 

Mér fannst fólk samt vera að taka það aðeins of bókstaflega að það væri komið sumar bara strax á sumardaginn fyrsta... ég var að fara á æfingu og þá var svona annarhver bíll með skrúfaðar niður rúður og einn meira að segja það bjartsýnn að hann var með blæjuna niðri.. ok það var reyndar fínt veður.. ég var bara á peysunni en samt var mér ekkert eitthvað mega heitt og ég labbaði nú líka bara úr bílnum og inní óperu... og var þar allan daginn þannig að ég veit ekki einusinni hvernig veðrið var svona mestan hluta.. en þarna var bara svona milt ekkert eitthvað geggjað.. allavega búin að hneykslast.. skal hætta núna.. kannski var alveg geggjað veður og ég bara bitur að missa af því..

en það er frumsýning hjá okkur í kvöld! voða spennandi... ég er mjög glöð að nokkrir vinir mínir ætli að sjá sér fært að koma og horfa á sýninguna á morgun.. alltaf gott að hafa smá stuðning í salnum í dag ætla ég bara að hafa það gott.. þarf reyndar að læra soldið líka því það eru próf hjá mér í næstu viku verð að segja að ég er pínu stressuð.. hef haft svo lítinn tíma til að læra.. en það verður búið eftir viku og þá tekur bara næsta við.. erum að fara að setja upp Sköpunina eftir Haydn fyrir austan sem hluti af Listahátíð í lok maí.. sýnum bæði á Eskifirði og Egilsstöðum og það er mjög spennandi.. er að fara að syngja þar með Keith Reed, Xu Wen, Þorbirni Rúnars og Þorbirni Björns (Tobba) og 100 manna kór frá austurlandi og svo hljómsveit sem samanstendur mest af meðlimum í sinfoníuhljómsveit Norðurlands en svo eru einhverjir hljóðfæraleikarar af Austur og Suðurlandi... ég hlakka voða mikið til.. Verður örugglega mjög skemmtilegt en það er hægt að skoða þetta á www.artfest.is

jæja best að fara að gera eitthvað af viti hérna..

Lifið heil

já ég vaknaði sko klukkan 5.40 í morgunn til að fara að syngja í messu.. það var nú bara ágætt.. fékk alveg dýrindis morgunmat eftirá.. svo kom ég heim aftur um 10 leytið og kúrði mig aftur uppí rúm.. fór á fætur um 12 og er eiginlega búin að vera í sófanum í allan dag.. ég og sara sátum þar í náttfötunum og héngum í tölvunni og borðuðum nammi.. ojj... En hvaða snillingur var það eiginlega sem valdi sjónvarpsdagskránna í dag.. það ætti nú bara að húðstrýkja svona menn.. alveg hryllilega boring dagskrá.. En ég er nú komin í föt núna og það er verið að kalla á mig í mat.. já það er sko páskamatarboð hjá okkur ég næ reyndar ekki eftirréttinum því ég fer á æfingu í kvöld.. en það er nú ekki alveg dauði sko. jæja farin að borða þennan dýrindismat sem hann Björn eldaði bæ og eigið rosa góðan dag!

Hæhæ.. ég er sko komin aftur for gúdd!  Ohh það er búið að vera svo gaman hjá mér.. lokasýningin var á laugardaginn og svo var svaka djamm eftir það! Ji.. það var flæðandi Mojito og Fishermans Friend.. úff mæli ekki með því saman.. ekki mjög gott svona eftir á! Ég gerði heiðarlega tilraun til að borða daginn eftir á Vegamótum með Daníel, Guðný og Ursulu en það tókst ekki sem skildi.. gerði mun meira af því að horfa á þau borða og hneykslast á því að þau gætu það hehe.. við reyndar vorum búin að borða um svona 7 leytið hehe.. Ursula eldaði og ég var hjálparkokkur  (eiginlega meira svona hrærari hehe) En það er voða skrítið að vera ekki að hitta þetta fólk á hverjum degi lengur.. Það er sérstaklega furðulegt því að ég er ennþá niðrí óperu á hverjum degi.. bara með öðru fólki.. Ég kynntist fullt af yndislegu fólki og er strax farin að sakna þeirra! en ég get nú auðveldlega hitt flest þeirra, það er erfiðara með þau sem eru ekki á landinu.. 

 

eníveis ætla ekki að vera grenjandi hérna.. Ef þið viljið koma að sjá Óperuna okkar í Tónó sem verður sýnd í íslensku óperunni þá kostar miðinn ekki nema skitnar 1.000 krónur og þið getið bara nálgast hann hjá mér með því að senda mér tölvupóst (tinna_84@yahoo.com) eða bara hringja í mig í síma 8685099...

 

Ég var að gúgla mig áðan.. (á google.is semsagt) og það var bara fyndið.. fann alveg heilar 7 síður hehe.. ok reyndar ekki heilar.. það var einhver sigríður tinna og svo maría tinna sem voru að taka upp pláss þarna en meðal efnis voru flass sögur, tilkynning um hvatningu forseta (já takk ég fékk sko svoleiðis), auglýsing fyrir tónleika sem ég er að fara að syngja á fyrir austan í maí, skelfileg mynd af mér með Dagnýju Jóns á heimasíðunni hennar Siv Friðleifs, nokkrir linkar á þessa síðu, önnur skelfileg mynd af mér af heimasíðu Helga Garðars þar sem ég var í 10 bekk en skil vel að fólk hafi haldið að ég væri mun yngri og með stutt hár í fyrsta og eina skiptið á minni ævi (reyndar var það aðeins styttra en var bara búið að vaxa aðeins), umfjöllun um Don Giovanni þegar ég var að syngja í Óperustúdíói Austurlands og meira að segja einhver linkur inn á hópverkefni sem ég gerði í ME.. ofur spennandi... mæli með að fólk googli sig.. það kemst að ýmsu.. ég hef reyndar einu sinni gert það áður með sjálfa mig og það var eftir að ég hitti einn dreng á djamminu sem ég hafði bara hitt einu sinni áður og hann sagðist hafa googlað mig og séð einhverjar myndir af mér og svona.. fannst það hálf undarlegt svona!

 

En já ætli ég fari ekki að láta þetta gott heita, ég lofa að vera aðeins duglegri að skrifa.. ekki bara þaga og koma svo með svona rosa skrif eins og núna.. hehe eins gott að einhver nenni að lesa þetta

 

ú já gleymdi næstum, var að setja inn myndir sem voru teknar baksviðs í óperunni og eru ansi skrautlegar hehe.. tjekk it át

uu huhummm.. já ég heiti Tinna (fyrir ykkur sem eruð búin að gleyma mér) og á vonandi einhverja vini ennþá heheh..

úff það er búið að vera svo kreiiiisí að gera hjá mér að ég rétt er heima hjá mér yfir nóttina.. fer að heiman klukkan 6 á morgnana og er aldrei komin heim fyrr en svona 10-11 á kvöldin.. en ég er samt hress.. núna bráðum fer að róast um.. það er frumsýning á stórkostlegu sýningunni okkar Nótt í Feneyjum á miðvikudaginn og lokasýningin er 8. apríl en núna fara líka að taka við daglegar æfingar á Mærþöll sem er ópera eftir Þórunni Guðmundsdóttur sem er kennari í skólanum mínum og við sýnum hana 22. og 23. apríl og eftir það er ég bara ALL YOURS

en jæja best að hoppa í tíma.. skrifa hér inn fljótlega þegar ég hef tíma

bæbb

Já það hefur nú ýmislegt gerst síðan ég skrifaði síðast.. síðasta helgi.. s.s. helgin 24-25. feb var geðveik sko.. ég kom heim úr vinnu á föstudagskvöldið og þá sátu Sara og Hulda og voru að gera sig reddí fyrir djamm.. ég ætlaði mér nú bara að skríða uppí rúm en svo kom sigga líka og ég bara ákvað að skella mér með þeim í bæjinn.. það var bara mjög svo skemmtilegt þó ég hafi verið soldið þreytt – það lagaðist allt saman eftir því sem leið á kvöldið! Laugardagurinn var svo tekinn bara í rólegheit og svona og svo um kvöldið þá komu Ragga Diljá, Bóel, Eva og Ásta Hulda heim til mín og við héldum alvöru stelpupartý og fögnuðum afmæli Ástu með stæl.. svo fór allt gengið í bæjinn og við dönsuðum svooo mikið og það var svo hrikalega gaman.. verð bara að þakka stelpunum mínum fyrir góða skemmtun það er hægt að skoða myndir frá því hjá Röggu á www.raggadilja.myphotoalbum.com og þar sést greinilega hversu mikill hressleikinn var hehe.. en í vikunni gerðist svo sem ekkert markvert en svo kom helgi aftur og viti menn... partý auðvitað.. ég reyndar var róleg á föstudagskvöldið og sat bara heima yfir ædol og fór svo í bælið.. en svo á laugardag fór allt liðið sem er að vinna með mér niðrí óperu út að borða á Tapas sem var æði og svo skunduðum við uppí óperu og drukkum og átum snakk og sona þar... þar var eplasnafs og dooleys mjög vinsælt enda heilsan eftir því daginn eftir.. úff.. er sko ennþá þunn! En Sara kom svo og djoínaði okkur í óperunni og við tvær skelltum okkur svo á hverfis og tjúttuðum þar frameftir kvöldi.. það er alveg merkilegt hvað það er mikið af myndavélum niðrí bæ og þá sérstaklega á hverfis.. þannig að ef þið missið af einhverju djammi með manni þá getiði séð allt sem gerðist á www.pose.is maður er nú orðinn fastagestur þar hehe.. sérstakleg síðustu tvær helgar! Næst mun ég reyna eftir mesta megni að forðast þessar myndavélar en það getur reynst mjög erfitt þegar maður er kominn í bjór og pósustuð hehe... eníveis ætla ekki að drepa ykkur úr leiðindum.. en var að fá þær fréttir í dag að ég verð að vinna aftur í íslandsbanka í sumar og er voða ánægð með það, verðu reyndar bara júní og júlí því svo fer ég út í ágúst og verð fyrir sunnan seinni part ágústs en það er sama.. jæja ætla að láta þetta gott heita í bili - en ég skelli fljótlega inn myndum frá því í partýinu um helgina.. misstum okkur soldið í myndatökunni.. adios

Jæja elskurnar long time no seen hehe.... held það sé nú alveg tímabært að fara að skrifa eitthvað hérna en ég ætla nú ekki að hafa það langt því ég er að fara að vinna niðrí óperu... en já það er nú margt búið að gerast síðan síðast var ritað, um síðustu helgi fór ég t.d. á rokkveisluna á broadway og það var rosa skemmtilegt ég vildi bara að ég hefði getað verið með.. það voru fullt af skemmtilegum lögum sem þau voru að syngja en ég söng bara hástöfum með í salnum hehe... tók lika nokkrar myndir.. eða ég reyndar tók nú ekki einusinni helminginn held ég.. en þetta var allaveg mjög gaman..

svo er ég bara búin að vera á fullu alla vikuna.. það er nottla ræktin og svo er ég að vinna alla leið upp í grafarvogi og maður er alveg á þönum að komast þaðan og í skólann og svo þaðan og á æfingu og ná að borða inn á milli hehe.. þannig að maður er alveg dauðuppgefin núna en þetta er ekki allt búið.. það er vinna í kvöld og æfing í fyrramálið og svo partý annað kvöld því hún Ásta mín á afmæli á morgun og svo fæ ég að slaka aðeins á á sunnudaginn.. smá lærdómur en ég ætla að reyna að liggja sem mest í leti hehe.. svo er ég búin að skrá mig í spænskunám.. fór í fyrsta tímann minn í dag.. þetta verður voða spennandi, en fyrir þá sem ekki vita þá er ég að spá í að flytjast búferlum til Kanarí eyja þar sem hann bróðir minn býr og fara bara í skóla þar  sem verður bara gaman!!!

En já það er allt að gerast í æfingum.. er að syngja í kórnum í óperettunni Nótt í Feneyjum sem verður frumsýnd 29. mars, svo er ég að fara að syngja hlutverk í óperu sem einn kennari í skólanum samdi verður í apríl.. svo verð ég að syngja fyrir austan í maí í Sköpuninni eftir Joseph Haydn og syng hlutverk Evu og svo er ég að syngja Despinu í óperunni Cosi fan tutte sem Keith gamli kennarinn minn fyrir austan er að setja upp hér í rvk í ágúst... þannig að ég sit ekki auðum höndum.. hehe svo fer ég í inntökupróf á Kanarí í maí og til Ítalíu í lok Júlí.. jii ég hlakka svo til í júní þegar það kemur pása frá þessu öllu... þá verður sko partý! En jæja þarf að drífa mig í vinnuna.. skelli kannski myndunum inn í kvöld..

bæjó

Já gott fólk ég er á lífi... það er bara svo klikkað mikið að gera hjá mér.. í síðustu viku keypti ég mér voða sætar buxur og sexy ass bol.. rooosa flottur sko!! og nú er ég hætt að versla í bili.. verð bara að hemja mig.. en ég fór nú í nýja bolnum út á lau og við skulum bara segja að það hafi verið gaman

Fór á Óperu á föstudaginn.. generalprufu á Öskubusku sem kennarinn minn er að syngja í og það var rosa gaman, sérstaklega eftirminnilegt var þegar ég var að bíða eftir systur minni og stóð í óperudyrunum alein og Raggi Bjarna átti leið framhjá og stoppaði og fór að spjalla við mig.. alveg heillengi sko.. þvílíkur snillingur... svo var ég klippt á laug líka og er komin með topp - ofur svöl..!

En það verður brjálað að gera hjá mér á næstu vikum.. ég er að taka þátt í þrem óperum svo er nottla skólinn (ætlaði einmitt að vera að læra núna!!) og vinnan og svo möguleg aukavinna i íslensku óperunni og ræktin og ég er bara að panikka verð á æfingum öll kvöld og alla daga.. fjúkk... en ég hef samt alltaf tíma fyrir vini mína þannig að ekki örvænta.. það má alveg hringja og biðja mig að leika.. tíhí..

en ætli ég verði ekki að fara að læra og æfa textann fyrir kvöldið...

ég mun reyna eins og ég get að vera dugleg að skrifa og henda inn nýju myndunum!

Ciao Bella

Haldiði að þessi svokallaði herra ísland hafi ekki bara verið sviptur titlinum.. finnst það brjálæðislega fyndið! gott á hann.. hann er ekki einusinni sætur með þetta hár sitt og sona... reyndar finnst mér sá sem tekur við ekkert rosa myndó en allt er skárra en þessi óli... hahah hversu vandræðalegt er þetta samt fyrir gæjann.. bara lame sko...

en færum okkur að öðru íslensku efni semsagt ædolinu.. ok.. hvar skal byrja.. já það skemmtilegasta við þennan þátt er án efa hann Palli minn Óskar - snillingur maðurinn.. ég alveg velltist um af hlátri þegar hann var að lýsa Snorra og flugslysinu hahaha.. lýsingarnar hjá honum eru alltaf fyndnar, mér finnst hann líka hafa mesta vitið í kollinum af þessari dómnefnd.. Bubbi og Sigga eru alveg greinilega búin að mynda sér skoðun á keppendum og lofa uppáhaldið sitt alveg í hástert þó hann/hún syngi kannski skelfilega!!! verð að segja að greyið hann Alexander var ekki að meika það í kvöld.. mér finnst hann samt syngja vel en þetta var alveg skelfilegt - ég gat ekki horft á þetta einusinni og faldi mig bara undir teppi meðan á hörmungunum stóð.. og hvernig datt henni Elfu í hug að syngja Anastasiu lag??? Eurovision lagið var ekki að meika það fyrir mig þó hún hafi verið flott á sviðinu og ég var ekki að fýla það hvernig þessir stonerar voru að drulla yfir hann Eirík æskuvin minn - mér fannst hann bara flottur!!! hmmm Margrét átti svo sannarlega ekki skilið að detta út því hún var rosa örugg og söng mjög vel.. þau hljóta að vera farin að kalka e-ð.. heyrnin eitthvað farin að fara forgörðum hjá þeim elstu...!

úff keypti mér geðveika skó í dag og fór þar með á hausinn  forgangsröðunin orðin e-ð brengluð og skór (aðrir skórnir á þessum síðastliðnum 2 vikum) komin hærra en matur, leiga og skólagjöld en það er nú í lagi tíhí því þeir eru svoooo flottir

en jæja best að hætta þessu röfli og fara í bælið.. búin að hlakka til þess í allan dag hehe

hugs & kisses

jæja þá er 3ja vika í líkamsræktaræðinu mikla byrjuð og ég held ég hafi aldrei á ævinni hreyft mig jafn mikið.. enda ekki mikil íþróttamanneskja í mér.. Síðasta helgi var nú bara tekin í sjónvarpsgláp og rúnta sökum þreytu hjá heimilisfólki!! það getur tekið soldið á að vakna alltaf kl 6 sérstaklega á degi eins og í gær... ræktin - vinna - skóli - óperuæfing! var komin heim til mín loksins kl 10 um kvöldið!! úff... en það er nú bara ágætt að hafa nóg að gera - ekkert gaman að hanga bara heima og velta sér uppúr sjálfsvorkun..

hehe jæja Tinna

nýja hobbíið mitt er að safna fullt af allskonar lögum og skrifa á diska.. ég get sitið endalaust fyrir framan tölvuna og hlustað á tónlist og leikið mér.. voða gaman.. þ.e.a.s. þegar ég á lausan tíma.. eins og núna þar sem söngkennarinn minn er voða bissí óperusöngvari og það er frumsýning hjá honum bráðum þannig að frí hjá mér á meðan gerði brjálæðislega góð kaup um daginn.. keypti mér rosa sæta sko og bol á kúk og kanil.. hef augastað á öðrum skóm sem eru ekki alveg jafn billegir en alveg ofsalega flottir.. er alveg að missa mig sko!

en jæja best að fara að kíkka á einkabankann og fara svo að æfa sig.. ætlaði nú bara að hripa inn nokkrum orðum þar sem ég var skömmuð af henni Ragnheiði Diljá... það hefur ekki verið mikið um skrif hjá mér en það lagast nú vonandi einhvern tímann fljótlega

btw er búin að panta far til ítalíu næsta sumar... jibbí!!!

Ég, Tinna Árnadóttir er komin í rosa líkamsræktarátak.. já þið heyrðuð rétt! Ég, Sara, Bjössi og Adda ætlum að fara á hverjum morgni í ég man ekki hvað langan tíma.. enda ekki nógu mikið inní þessu sko.. er bara fylgidýr.. en þetta verður örugglega voða fínt! maður á kannski ekki eftir að eiga sér mikið félagslíf þar sem við erum alltaf mætt klukkan hálf 7 á morgnana...

já það er voða gott að vera kominn suður.. fannst leiðinlegast að ná ekkert að hitta hann Erik minn áður en hann fór aftur til London, sorry babe :* en svona er að vera svona ofsalega mikilvæg manneskja hehe.. brjálað að gera hjá mér í jólafríinu!

úff.. sjitt hvað ég verð mikil gella næst þegar þið sjáið mig... það er nokkuð ljóst

en ég ætla að skella mér í sturtu og fara svo að gera e-ð af viti..

bæjó

þetta er búið að vera alveg prýðilegt frí hjá mér hérna.. nóg að gera og bara kósí! Búin að vera að syngja á fullu sem er rosa stuð, er einmitt núna að undirbúa mig undir Árshátíð Eskju sem er í kvöld og ég á víst að skemmta aðeins þar.. svo er ball eftir það með í svörtum fötum og það er auðvitað alltaf stuð með þeim! ætla að dansa eins og brjálæðingur til að bæta upp fyrir líkamsræktarleysi hahaha..  annars dönsuðum við Ásta Hulda ansi hressilega á annan í jólum ballinu sem var á Reyðarfriði með Wilson Rocknes.. jeeeee... það var rosa gaman hehe segjum ekki meir um það

síðustu tónleikarnir sem ég syng á eru 3. jan þannig að ég kem ekki suður fyrr en einhverntímann eftir það.. langt frí hjá minni sem er nú svosem ekki slæmt!

en ætli það sé ekki best að fara að halda áfram undibúningnum.. vonast til að sjá fullt af fólki á ballinu í kvöld!!

bæjó

sælinú... já það er orðið soldið síðan ég skrifaði hér inn síðast en ég er semsagt komin austur og er búin að vera á fullu á æfingum og sona síðan ég kom.. tónleikarnir voru í kvöld, voru eiginlega bara að klárast og það gekk bara rosa vel.. það fjölgar í áhorfendahópnum hjá okkur á hverju ári og í kvöld voru sona 150 og ég vona bara að þau hafi skemmt sér vel... heyrðist það allavega á þeim... en þetta var allavega rosa skemmtilegt og ég væri alveg til í að endurtaka leikinn...

en já það styttist heldur betur í jólin.. nú tekur við að undirbúa afmælið hans pabba en það verður rosa partý á fimmtudaginn... hlakka til

ég sit hér alein heima, komin úr kjólnum og pinnahælunum og líður rosalega vel í hettupeysu og íþróttabuxunum sem nýtast eiginlega bara sem sona vídjóbuxur frekar en til íþróttaiðkunar þessa dagana.. ekki búin að vera neitt rosa dugleg að hreyfa á mér rassgatið! en það breytist nú þegar ég hef tíma..

kíkti aðeins á mjög svo leiðinlegt ball í gærkvöldi.. fékk kaggann hjá pabba og tók mér smá rúnt yfir á reyðarfjörð að hitta hana jóu sem var í stuði þar.. það voru nú ekki margir þarna.. flestir voru kárahnjúkakallar sem fannst þeir rosa töff og stóðu í hópum og horfðu girndaraugum á kvenfólkið.. svo var kannski einn sem var manaður upp í að fara að tala við mann og alltí einu stóð einhver lúði fyrir framan mann og sagði ekki orð.. bara stóð þarna, frekar vandræðalegur, þangað til hann gat ropað útúr sér "how are you?" uu hef það fínt laxi.. takk samt.. ohh

hitti nokkra ágætismenn sem maður gat talað við en ég var farin heim frekar snemma.. hljómsveitin var samt rosa góð sko.. ekki spurning... en bara fáir og ég nottla edrú og flott á því

jæja ég ætla að fara að glápa á sjónvarpið

bæbb